بقلم / الشيخ الشاعر حمود نوماس الخفاجي
..................................
غبت ونته البدر تضوي بنصف الليل
يلكلك شرف يكحيل وبن اكحيل
يبو چلمة هلا للضيف والتهليل
ينسر خاطرك لمن يجيك الضيف
شما قل العدد وشما يصير اثگيل
يبن منشد يغالي كفو للكلفات
منذكرك وحگ جدك يبيد مني الحيل
يبو مجاهد يتلعه وعلم بين الناس
منذكرك دمع عيني گوه مني ايسيل
يبو اهلأ وسهلأ للجاي وي راح
ودومك تبتسم وللكلافة اتشيل
يا صاحب مروة والحچي الموزون
تتعناك من كل سلف نهار وليل
عالم والعلم ماله حدود البيك
يادجلة اوفرات وماي نهر النيل
الف رحمة على روحك خسرتك عربان
يبو زيد الهلالي لو صعد عل خيل
انا مقصر بشعري ماكتبت عليك
تستاهل اخلي الشعر مثل السيل
يانجم الجدي الثابت علم مرفوع
ولو قارن صفاتك مع نجم سهيل
هو هو هو
انت النجم الثابت ولغيرك لاله
