أرید أکتب قصیده مسمي بالرحمن
متوکل علیه وطایع لأمره
وصلاتي عالنبي مامالت الاغصان
وعلی بیت النبوه الال والعتره
سلامي والتحیه لعامر الصکبان
من أهل الحویجه تروح للشطره
مثل جرحكٙ یعامر صار بینه وزود
علی غیاب البدر من لیلة ن کمره
والموصل حزینه وجاوبت کرکوك
وتشارك حزنها دیالی والبصره
عسی عنك بعید التایهات تمیل
وعساك تعیش سالم ماشفت عثره
وعسی دایم مضیفك ملم للطیبین
وعسی بیت الاجواد الحزن لامره
الکرم بیکم سجیه مو درس تعلیم
بمضایفکم قدیم انوجد عالفطره
ونعم منك اصیل وسیف عالکلفات
انت وکل عمامك مابکم قصره
علم شامخ صکر یاحید یاصکبان
اصیل النسب من ساس العرب جذره
بیکم یفتخر ماضینه والتاریخ
مذکورین بیکم یفتخر سطره
واذا تزعل خفاجه یزعل التاریخ
وتصیر الدنیا کلها مضلمه وغبره
موبس لخفاجه انتم علم وسناد
لکلمن لابس الیشماغ والغتره
وماننسی خفاجه من اهل کرکوك
ونعم منهم مضایف عامره وخضره
منهم شیخ ثابت هذا ابو الطیبات
ابو الوجه البشوش الماعبس مره
ابوالغیره الشهم جیدوم عالکلفات
ولخدمة خفاجه نذر کل عمره
سلیل اهل الکرم ومعرب الجدین
یل موکد دلالكٙ ماطفه جمره
وعبدالله ابومحمد ابن حمادي
تشهدله العشایر لیلة العسره
وابن رومي خلف وغانم المله
سیوفن عالملاکه شاطره ومره
وسعد حجي علي ونعم وعشر تنعام
یامعدن مراجل ماخمد ذکره
وسلامي لکل خفاجه دون کل تمییز
من زاخو لحد الفاو والبصره
وارجو تسامحوني لونسیت اسماء
لأن کلکم اعلام افعالکم تقره
والشاعر تره حجایة بخت لوکال
یمدح کل شجاع وطیب بشعره
لکن اعتذر ان قصرت مجبور
کرمکم بحر والشاعر وصف قطره
،،،،،،،،،،،،،،،،،،،،،،،،،،،،،،،
جدمي لغیرکم لاما خف وجه
وروحي لطروی ملکاکم خفاجه
اذا منکم طفل یحظر،، خفاجه
ملوك الارض تاخذله تحیه،،،
