???? المرجعية گالت معركة الإصلاح أشد ضراوة من معركة الارهاب

شتشوفون المرجعية من تگول أشد ضراوة تقصد الملتوف اللي يرموهه بعض المحسوبين عالمتظاهرين لو القنابل المسيلة للدموع والرصاص الحي اللي يرموه بعض أفراد القوات الأمنية !!!

ابدا

المرجعية بقراءتهه للاحداث ترى ان معركة الاصلاح هي معركة استنزاف واللي يصبر أكثر هو اللي راح يفوز بيهه سواء المطالبين بالاصلاح او الفاسدين 

وهنا ممكن نشوف أحد ثلاث سيناريوهات :

1️⃣ أما المتظاهرين يجزعون وينفد صبرهم ويرجعون لبيوتهم من دون تحقق شيء (هالخيار شبه مستحيل)

2️⃣ أو تنحرف التظاهرات عن سلميتها ونشوف تصعيد غير مدروس من بعض المتظاهرين واللي راح ينعكس عالتظاهرة ككل وبالتالي راح تصير فوضى واقتتال وتسيل دماء وهالشي هوااااي حذرت منه المرجعية وبعدة خطب وبالنتيجة هالسيناريو يردوه الفاسدين لان راح يقمعون التظاهرات بحجة أذيتها للناس (وهذا اللي نخشاه )

3️⃣ أو نحافظ على سلمية التظاهرات ونزيد زخم التظاهر الواعي ونشوف الناس الكبار وشيوخ العشائر والنخب ووووو الكل نشوفهم بساحة التظاهر وهنا راح يزيد الضغط على السياسيين لتنفيذ المطالب الحقّة (وهذا مانتمناه)

الحل يكمن بالصبر نعم بالصبر والعزيمة والاستمرار لحين النصر بمعركة الإصلاح

نسأل الله الأمن والأمان لشعبنا وبلدنا الحبيب

#سلمية_لحين_تحقق_النصر

#معركة_الإصلاح

محمد يحيى الحجار

#حق_الكلمة